Финланд улс Дэлхийн хамгийн аз жаргалтай орноор зургаа дахь жилдээ дараалан шалгарсан нь урьд өмнө байгаагүй амжилтад тооцогдож байна.
НҮБ-ын Тогтвортой хөгжлийн шийдлийн сүлжээнээс эрхлэн гаргадаг Дэлхийн аз жаргалын 2023 оны тайланд Финланд, Дани, Исланд улс жагсаалтыг тэргүүлжээ. Финланд улсын хувьд жагсаалтад багтсан бусад улсаас оноогоороо мэдэгдэхүйц зөрүүтэй байгааг тайланд онцолж байна.
Харин энэ оны тайланд Монгол Улсын хувьд 2020-2022 оны гурван жилийн дунджаас харвал 109 улсаас 61 дүгээрт бичигджээ. 2022 онд танилцуулсан тайланд Монгол Улс 68 дугаарт жагсаж байсантай харьцуулахад долоон байр урагшилсан байна.
Дэлхийн аз жаргалын тайланд аз жаргалын түвшнийг тодорхойлохдоо нэг хүнд ногдох дотоодын нийт бүтээгдэхүүн, нийгмийн халамж, дундаж наслалт, иргэний эрх чөлөө, авлигын түвшин, ажлын байрны баталгаа, олон нийтийн санал асуулгын дүн зэрэг үзүүлэлтийг харгалздаг.
Энэ оны тайлангаас харвал Литва улс хамгийн олон байр урагшилсан байна. Тус улс 2017 оноос хойш 30 байраар урагшилж, одоо 20 дүгээрт бичигдэж байгаа юм. Мөн Израил улс өнгөрсөн оноос таван байраар урагшилж, дөрөвдүгээрт эрэмбэлэгджээ.
