Сүүлийн хоёр жилийн хугацаанд цар тахлын улмаас завсардаад байсан Боловсрол суваг телевизийн бэлтгэн хүргэдэг "Яг түүн шиг" шоу өнөөдөр 21 цагаас шинэ улирлын анхны дугаараа хүргэхэд бэлэн болсон байна. Тодруулбал, Цоо шинэ, шилдэг найман оролцогч долоо хоног бүрийн ням гарагт үзэгчдийг байлдан дагуулж, авъяас чадвараараа өрсөлдөх юм.
Энэ удаагийн шоунд Поп дива, МУГЖ С.Наран, Dijital хамтлагийн дуучин Г.Эрдэнэбилэг, мөн дуучин Б.Чойжоо, дуучин, жүжигчин С.Зоригт, дуурийн гоцлол дуучин Ө.Уянга, жүжигчин Х.Баярмаа, Gangbay хамтлагийн дуучин С.Баянмөнх болон Никитон хамтлагийн залуу дуучин Ч.Мишээл нар өрсөлдөх юм.