ОХУ-ын Ерөнхийлөгч Путин "Мариупольд ажлын айлчлал хийлээ" гэж Кремлийн цахим хуудсанд ням гарагийн өглөө нийтэлсэн байна. Мариуполь хот өнгөрсөн оны тавдугаар сард Оросын цэргүүдэд эзлэгдсэн юм. Оросын цэргүүдэд эзлэгдсэн Украины нутаг дэвсгэрт Путин урьд өмнө нь айлчилж байсан нь үгүй.
"Владимир Путин Мариуполь руу нисдэг тэргээр ниссэн. Очсон хойноо машин жолоодож, хотын хэд хэдэн дүүргээр явж, эрэг орчмын дарвуулт завины клуб, театрын барилга, дурсгалт газруудаар оржээ. Невскийн бичил дүүрэгт тэрээр орон нутгийн иргэдтэй ярилцлаа. Мөн хэн нэг гэр бүлийн урилгаар гэрт нь зочиллоо" гэж Кремлийн сайтад бичжээ.
Энэ мэдээллийн дараа Путины тус хотод аялж байгаа дүрст бичлэг мөн олон нийтийн сүлжээнд тавигдсан байна.
Путин үнэхээр Мариупольд очсон гэдгийн нотлох баримт нь тоглоомын талбай дээр орон нутгийн иргэдтэй ярилцаж байгаа дүрс бичлэг болов.
Энэ нь В.Путин энэ амралтын өдрүүдэд Орост эзлэгдсэн Украины нутаг дэвсгэрт хийсэн хоёр дахь удаагийн зарлаагүй айлчлал байлаа. Өмнөх өдөр нь Путиныг Крымд айлчилсан гэж мэдээлсэн бөгөөд энэхүү айлчлал нь тус хойгийг өөртөө нэгтгэсний 9 жилийн ойтой давхцаж байгаа юм.
Эх сурвалж: ВВС