Хятадын Ангараг гараг руу илгээсэн өөрөө явагч "Чжужун" төхөөрөмж газардсаныхаа дараа өөрийгөө селфидсэн зураг
Хятадын Шинжлэх ухаан, технологийн яам 2022 онд тус улсын шинжлэх ухааны шилдэг 10 ололт амжилтын жагсаалтыг баасан гарагт нийтлэв.
Жагсаалтын эхэнд Хятадын Сансар судлалын агентлагийн Ангараг гарагт буулгасан "Чжужун" өөрөө явагчийн радарын төхөөрөмжөөр олж авсан Ангараг гарагийн дотоод бүтцийн талаарх мэдээлэл байна. Судалгаагаар Ангарагийн хөрсний гүний давхаргын нарийвчилсан шинж чанаруудыг илрүүлээд зогсохгүй Улаан нүдэн гарагийн геологийн түүх, цаг уурын талаар тодруулахад тус болох мэдээллүүд болон ус байгааг илтгэх ажиглалтуудыг хийсэн байна.
2016 оны 6-р сарын 27-нд авсан гэрэл зураг Хятадын баруун өмнөд хэсгийн Гуйжоу мужид байрлах FAST сансрын радио дуран
Таван зуун метрийн диафрагм бүхий FAST асар том радио телескоп ашиглан идэвхтэй, давтагддаг, хурдан радио тэсрэлтүүдийг илрүүлэх төсөл хоёрдугаар байрт шалгарчээ.
Тодотгоход диафрагм гэдэг нь гэрэл цуглуулах, зургийн нарийн ширийнийг бүдгэрүүлэхийг эсэргүүцэх чадварыг тодорхойлдог оптик төхөөрөмжийн шинж чанар юм. Энэхүү нээлт нь нууцлаг радио долгионы гарал үүслийг тогтоох ажиглалтын үндэс суурийг тавьсан юм.
Гуравдугаар байрт устөрөгчийг далайн уснаас шууд гаргаж авах шинэ зарчим, технологи оржээ. Энэхүү арга барил нь тухайн салбарын удаан хугацааны турш хүндрэлтэй байсан техникийн асуудлыг шийдэж өгснөөрөө чухал ач холбогдолтой юм.
Эдгээрээс гадна COVID-19-ийн хувилбарууд болон тэдгээрийн дархлааны хамгаалалтыг даван туулах механизмын судалгаа, өндөр үр ашигтай нарны эдементийг хөгжүүлэх судалгаа болон мөн органик нэгдэл этилен гликолын нийлэгжилт тухайн шилдэг 10 бүтээлд нэрлэгдэж буй аж.
Эх сурвалж: Синьхуа
