2023 оны хоёрдугаар сард Туркт болсон газар хөдлөлтийн нийт хохирлын хэмжээ 105 тэрбум ам.доллар давсан тухай тус улсын Сангийн яамнаас иш татан ТАСС мэдээллээ.
"Кахраманмараш, Хатайд болсон газар хөдлөлтийн нийт хохирол 1999 онд Мармарын тэнгист болсон газар хөдлөлтөөс зургаа дахин их байна" гэж тус яам мэдэгдэв.
Тус мэдээнд дурдснаар гамшгаас учирсан хохирлын хэмжээ нь Туркийн 2023 онд хүлээгдэж буй ДНБ-ий 9 хувьтай тэнцэж байна гэжээ.
Сануулахад, хоёрдугаар сарын 6-нд Туркт 7 баллын хүчтэй газар хөдлөлт хоёр удаа болж, тус улсын арван муж, Сирийн нутаг дэвсгэрийг хамарсан бөгөөд Турк улсад байгалийн гамшгийн улмаас 49 мянга орчим хүн амиа алдсан байна.
Эх сурвалж: АиФ
