УИХ-ын чуулганы нэгдсэн хуралдаан үргэлжилж байна. Яг одоо Олон нийтийн сүлжээнд хүний эрхийг хамгаалах тухай хууль болон дагалдан гарсан Харилцаа холбооны тухай хуульд нэмэлт, өөрчлөлт оруулах тухай, Кибер аюулгүй байдлын тухай хуульд нэмэлт оруулах тухай, Хүний хувийн мэдээлэл хамгаалах тухай хуульд нэмэлт оруулах тухай, Татварын ерөнхий хуульд өөрчлөлт оруулах тухай хуулиудад бүхэлд нь тавьсан Монгол Улсын Ерөнхийлөгчийн хоригийг УИХ хүлээж авах нь зүйтэй гэж үзлээ.
Иргэний нийгмийн байгууллагуудын саналыг авч, уг хуулийг дахин өргөн мэдүүлэх нь зүйтэй гэдгийг гишүүдийн олонх хэлж байв.
УИХ-ын дарга Г.Занданшатар "Хууль зүйн байнгын хороо болон Аюулгүй байдал, гадаад бодлогын байнгын хороо Хүний эрхийн үндэсний комисстой хамтран хэлэлцүүлэг зохион байгуулж, Олон нийтийн сүлжээнд хүний эрхийг хамгаалах тухай хуулийн төслийг шинэчлэн боловсруулах, санал авах, Хууль тогтоомжийн тухай хуульд заасан шаардлагад нийцүүлэн дахин өргөн мэдүүлэх чиглэл өгч байна" хэмээв.
