Улс төр судлаач Юрий Баранчик Киев томоохон хэмжээний сөрөг довтолгоонд бэлтгэж байна гээд үүнийг нотлох баримтуудыг дурджээ.
Шинжээч юуны түрүүнд Украины фронтын байдал хурцдах төлөвтэй байна гэж Telegram сувагтаа бичжээ. Тодруулбал, Баранчикийн хэлснээр Украин, Польш, Британи, Америк, Франц зэрэг улсын мэдээлэлд ойр хүмүүсийн мэдэгдэл нь Киев сөрөг довтолгоонд бэлтгэж байгааг гэрчилж байна.
Хоёрдахь зүйл бол Барууны орнуудаас Украины Зэвсэгт хүчинд шилжүүлсэн техник хэрэгслийн мөн чанар юм. Түүний хэлснээр Польшоос анхны "Ирвэс"-үүдийг тээвэрлэж байгаатай холбогдуулан минн цэвэрлэгч болон гүүрэн байгууламжийг нэмж, Британид үйлдвэрлэсэн "Челленджер" танкны тоо хоёр дахин нэмэгдсэн гэжээ.
"Украины Зэвсэгт хүчинд десантын хөлөг нийлүүлэх тухай өмнө нь мэдээлж байсан. Тэд одоо Днепр мөрний бэлчир, Николаев-Херсоны ойролцоох Өмнөд Бугаас эхлээд Луганскийн Бүгд Найрамдах Улсын нутаг дэвсгэр хүртэлх өргөн уудам газар нутагт цохилт өгөхөөр бэлтгэж байгааг, мөн Артемовскийг бүслэн хаах оролдлогын талаар бид юу хэлж чадах вэ" гэж Баранчик сануулав.
Гурав дахь нь Румынд болсон НАТО-гийн сургуулилттай холбоотой. Балканаас нэмэлт хүч ирж байгаатай холбогдуулан өмнөд хэсэгт Украины Зэвсэгт хүчний хүчирхэгжилтийг үгүйсгэх аргагүй юм гэжээ.
Эх сурвалж: Politexpert
