Хөгжлийн Банкны дөрөв дэх өдрийн сонсголд шинжээч "Азийн бамбар" ХХК-ийн зээлийн асуудлыг танилцуулав.
Тэрбээр "Барилгын эсгийн дулаалга төсөл хэрэгжүүлэхээр Капитал банкнаас нийт 5.7 тэрбум төгрөгийн зээл авсан. Компанийн хувьцааг Д.Тэгшжаргал, М.Саруул 100 хувь эзэмшиж байна. Компани татан буугдсан учраас Д.Тэгшжаргал, М.Саруул идэвхгүй гэж харагдаж байна. Гүйцэтгэх захирлаар Д.Тэгшжаргал ажиллаж байсан.
Зээлийн хувийн хэрэгт УИХ-ын гишүүн асан Ж.Батзандангийн туслах Г.Аюулгүй зээл авах гэрээнд Д.Тэгшжаргалын хамт гарын үсэг зурсан баримт хадгалагдсан.
Нийт зарцуулалтыг шалгаж үзэхэд 5.7 тэрбум төгрөгөөс 2.2 тэрбумыг бэлэн зарлага, 609.7 саяыг дотоод шилжүүлэг, 2.3 тэрбумыг гадаад шилжүүлэг болон валютын арилжаа, 533.5 саяыг зээлийн төлөлт, дахин санхүүжилтэд зарцуулсан" хэмээн ярилаа.
