Дуучин Д.Болдод 2,5 га газар бэлэглэсэн гэх асуудал өчигдөр сошиалд шуугиан тарьсан. Тэгвэл энэ асуудалд Б.Бат-Эрдэнэ сайд дараах тайлбарыг хийлээ.
Тэрбээр "Тусгай хамгаалалтай газар нутгийн тухай хууль гэж бий. Энэ хуулийн хүрээнд хэн нэгэнд газар бэлэглэх ямар ч боломжгүй. Дуучин Д.Болд Т.Баясгалан нарын 44 хүнд газар бэлэглэсэн гэх мэдээлэл гарсан. Дуучин Д.Болд 7 жилийн өмнө Нүхтийн аманд хаус худалдаж авсан. Үл хөдлөх хөрөнгийн гэрчилгээгээ авсан учраас газар олголтыг нь хийсэн. Иргэний хууль гэж бий. Эд хөрөнгө болон эдийн бус хөрөнгөтэй холбоотой зүйл заалт бий.
Тусгай ч гэсэн хуулиар зохицуулах харилцаа бий. Бэлэглэлийн шинж чанартай зүйл гэж байхгүй.2023 оноос эхэлж газрыг зөвхөн дуудлага худалдаагаар худалдахаар болсон. Газар ашиглах, газар эзэмшихийг хориглосон сайдын тушаал гэж гарсан. Өнгөрсөн хугацаанд 9 аманд газар олгохыг хориглосон байгаа. Үүнд Нүхтийн ам багтсан байгаа. Цаашдаа энд огт газар олголт хийхгүй" гэлээ.
