АТГ-аас нүүрсний гэх хэрэгт Мөрдөн шалгаж байгаа хэрэг бүртгэлт, шалгалтын ажлын талаар цаг үеийн мэдээлэл өглөө. Тус хэрэгт нийт 85 хүнийг яллагдагчаар татсан бөгөөд тэдний дунд УИХ-ын зургаан гишүүнийг яллагдагчаар татаад байгаа юм. Тэгвэл эдгээрээс гурван хүний УИХ-ын гишүүний бүрэн эрхийг түдгэлзүүлэн шалгах саналыг өнөөдөр АТГ-аас Улсын Ерөнхий прокурорт хүргүүлж байгааг мэдэгдлээ. Тодруулбал, хэрэг шалгахад УИХ-ын гишүүний халдашгүй бүрэн эрх нь саад болж буй гэж үзээд УИХ-ын гишүүн Д.Бат-Эрдэнэ, Н.Наранбаатар, Т.Аюурсайхан нарын бүрэн эрхийг түдгэлзүүлэн шалгах саналаа Ерөнхий прокурорт хүргүүлж байна гэж АТГ мэдээллээ.
Харин УИХ-ын гишүүн Ж.Мөнхбатыг яллагдагчаар татан шалгаж байгаа аж. Тэрээр 2022 оны хөрөнгө орлогын мэдүүлгээ мэдүүлээгүй, УИХ-ын гишүүнээ чөлөөлөгдөх саналаа өгсөн учраас АТГ-аас түдгэлзүүлэх санал өгөх шаардлагагүй гэж үзсэн байна.
УИХ-ын хаврын чуулган маргааш эхэлнэ. Хэрвээ Улсын Ерөнхий прокурор Б.Жаргалсайхан дээрх нэр бүхий гишүүдийн бүрэн эрхийг түдгэлзүүлэх саналыг УИХ-ын даргад өргөн баривал ажлын тав хоногт багтаан хэлэлцэх хуультай юм.
