БОАЖЯ-наас мазаалай баавгайн тоо, толгой хорогдлын талаар мэдээлэл өглөө.
Мазаалай баавгай нь тархац нутаг Говийн их дархан цаазат газрын А хэсэгт оршдог байна.
Мазаалай баавгайг хамгаалах шинжлэх ухааны үндэс нь сүүлийн 50 жилд тоо толгой нь маш ихээр багасаж устах аюулд хүрсэн учраас хамгаалалтад авч өнөөдрийн байдлаар 36ш-50 ширхэг тоо толгойтой болж өсөж үржжээ.
Монгол Улсын ерөнхийлөгчийн санаачилгаар 2022 оны дөрөвдүгээр сард мазаалай баавгайг хамгаалах үндэсний хөтөлбөрийг хэрэгжүүлж мазаалай баавгай нь амьдрах орчныг нь сайжруулах, судалгаа шинжилгээний байгууллагуудын оролцоотойгоор БНХАУ-тай хамтран Монгол Улсын говийн мазаалай баавгайг хамгаалах чиглэлээр техникийн туслалцааны төслүүдийг хэрэгжүүлж ажилладаг байна.
Мөн мазаалай баавгайн гол байршил нутаг дээр 150 ширхэг автомат камерыг байршуулж сүүлийн гурван жил тасралтгүй судалгааны ажлуудыг хийсээр иржээ.
Мазаалай баавгай гол нутагт байрших 26 цэгийн 36 тэжээлийн санд нэмэлт идэш тэжээл тавьж биотехникийн арга хэмжээг авч ажилладаг аж.
2022 оны арваннэгдүгээр сарын нэгний өдөр нэг мазаалай нь зэм олдсон бөгөөд энэ асуудал дээр ажлын хэсэг гарч ажиллажээ. Ажлын хэсгийн дүгнэлтээр:“Энэхүү хорогдсон мазаалай нь гаднын нөлөөлөл, шинж тэмдэг байхгүй. Хавар буюу ичээнээс гарсны дараагаар ус, тэжээлийн хомстолд орсон байж болзошгүй. Гантай жил зэрлэг амьтад идэш тэжээлийн хомстолд орж уул уурхайгаас шалтгаалж тархац нөөц нутагтаа чөлөөтэй бэлчих нь хумигдаж байна” гэсэн дүгнэлтийг гаргасан байна.
