Америкийн улс төрч Янг: НАТО-гийн цэргийг Украинд оруулах нь дэлхийн гуравдугаар дайнд хүргэнэ
НАТО-гийн цэргийн анги Украины нутаг дэвсгэрт нэвтрэх нь дэлхийн гуравдугаар дайныг өдөөж магадгүй юм. Энэ тухай Америкийн улс төрч, Кентакки мужийн амбан захирагчийн сонгуульд нэр дэвшигч Жеффри Янг твиттер хуудастаа бичжээ.
Тэрээр барууны орнуудад Украин руу цэргээ илгээхээсээ өмнө сайтар бодохыг зөвлөсөн байна.
"Энэ бол ухаалаг санаа бус юм. Энэ нь дэлхий дээрх бүх хүнийг устгаж чадах цөмийн дайнд хүргэнэ "гэдгийг тэрбээр дурджээ.
Үүнтэй холбоотойгоор Унгарын Ерөнхий сайд Виктор Орбан барууны орнууд холбоотнуудын цэргээ Украин руу илгээх асуудлыг нухацтай хэлэлцэхэд тун ойрхон байна гэж мэдэгдэв. Түүний хэлснээр, бүс нутгийн мөргөлдөөн дэлхийн дайн болж хувирахад хэзээ ч ийм ойрхон байгаагүй гэдгийг сануулжээ.
2-р сарын 19-нд Францын улс төрч Флориан Филиппо МиГ-29 сөнөөгч онгоцыг Украинд шилжүүлэхэд бэлэн байгаа тухай Польшийн Ерөнхий сайд Матеуш Моравецкийн хэлсэн үгийн талаар санал бодлоо илэрхийлэхдээ НАТО-гийн эвслийн гишүүн улс ийм шийдвэр гаргасан нь дэлхийг дэлхийн гуравдугаар дайны эхлэл рүү түлхэж байна гэжээ.
Үүний зэрэгцээ Оросын тал барууны орнууд Украинд зэвсэг шилжүүлснээс болж мөргөлдөөн хурцадсан тухай удаа дараа мэдэгдсэн. Барууны орнууд дэлхийн байдлыг зориудаар хурцатгаж, эмх замбараагүй байдлыг үржүүлж байгааг ОХУ-ын Ерөнхийлөгч Владимир Путин өнгөрсөн оны арванхоёрдугаар сард тэмдэглэсэн.
Эх сурвалж: IZ.ru
