Өмнөд Солонгосын нэгдсэн штабын газрын мэдээлснээр, өчигдөр өдрийн 14 цаг 7 минутын үеэр Хойд Солонгос өөрийн тэнгисийн Өмнөд Хамгён мужийн Синпо орчимд хойгийн зүүн усан хил рүү ойрын тусгалтай баллистик пуужин хөөргөв.
Судалгаа шинжилгээний дүнд Хойд Солонгос шумбагч онгоцоор баллистик пуужин харвасан байж болзошгүй гэж Өмнөд Солонгосын нэгдсэн штабын газар мэдэгдэв. Өмнөд Солонгосын нэгдсэн штабын газраас "Хойд Солонгосын байдлыг анхааралтай ажиглаж, сонор сэрэмжтэй байх болно" гэж мэдэгджээ. Японы засгийн газрын албаны хүний хэлснээр, мөн өдөр Хойд Солонгосын хөөргөсөн баллистик пуужин Японы эдийн засгийн онцгой бүсийн гадна далайд унасан байна. Японы Батлан хамгаалах яам энэхүү хэрэг Японд нөлөөлсөн эсэхийг шалгаж байна гэжээ. Өмнөд Солонгосын нэгдсэн штабын газрын мэдээлснээр Хойд Солонгос 4-ний өдрийн 12 цаг 3 минутын үеэр нийслэл Пхеньяний Сунан орчим хойгийн зүүн усан хил рүү баллистик пуужин хөөргөсөн бөгөөд үнээс өмнө 3-р сарын 24-нд тив алгасах баллистик пуужин хөөргөж, 6200 гаруй километрийн өндөрт нисгэжээ.
