Оюутолгойн гүний уурхайн олборлолтыг эхлүүлэх ёслолын арга хэмжээ өнөөдөр болов. Бүгд л ам уралдан магтаж байна. Харин эсрэг байр суурь илэрхийлж байгаа хүн маш цөөн л харагдана лээ.
Ингээд гүний уурхайн олборлолт эхэлж байгаатай холбоотой эсрэг байр суурь илэрхийлсэн. Уг үйл ажиллагаа эхэлж байгаатай холбоотой ямар сөрөг үр дагаварууд үүсч болзошгүй талаар сэтгүүлч Б.Отгон, сэтгүүл Г.Равжаа, Босоо хөх Монголын Чойгоо нарын постыг нэгтгэн ушигчиддаа хүргэж байна.
Сэтгүүлч Б.Отгон:
Цөлмүүлж байгаадаа цөмөөрөө баярлах уу?
Хамгийн гол нь 34 хувьдаа оногдох ногдол ашиг хүртэх шүү!!!
Оюу толгойн далд уурхайн ашиглалт өнөөдөр эхэлж байна. Газрын гүнд 1,3 км-т орших гүний уурхайд Ерөнхий сайд очиж, телевизүүд хэдэн газраас шууд дамжуулж байна. "Мөнгөө төлсөн нь хөгжмөө захиална" гэдэг шиг Рио тинто бүх томоохон хэвлэлийг аваачиж, Монголчуудаар өөрсдийгөө тэнгэрт тултал магтуулж байна. Жинхэнэ тархи угаалт гэж юу байдгийг одоо ТВ-ээ асаагаад хар. Том үйл явдлын гэрч болж буйгаараа тэнд очигсод хагартлаа баярлаж буйгаа бүгд нэгэн дуугаар илэрхийлэх ажээ.
Өнөөдөр жилд 130,000 тн зэс олборлож байгаа тус уурхай 2028 онд 500,000 тн зэс олборлоно. Олборлолт 3 дахин нэмэгднэ гэсэн үг. Хамгийн гол зүйл бол дэлхийд 4-рт орж байгаа зэсийн том уурхай ашиглалтад орсноор баялгийн эзэн Монголчууд юу хүртэх вэ? Дубайн гэрээгээр 2038 оноос л ногдол ашиг хүртэхээр гэрээ хийсэн нь Монголд хохиролтой гэж дүгнэсэн. Гэтэл энэ байдал өнөөдөр ч хэвээрээ байгаа шүү.
Сая Оюутолгой төслийн Хуулийн хэлтсийн даргаас сэтгүүлч "Монголчууд хэзээнээс ногдол ашиг хүртэх вэ?" гэж асуулаа.
-"Далд уурхай ашиглалтад орсноор Монголчуудын хүртэх өгөөж мэдээж наашилна " гэснээс өөр тодорхой хариулт алга.
Баялгаа өөрсдөдөө ашиггүйгээр харийнханд цөлмүүлж байгаа бол баярлах шалтгаан биш шүү.
Bayarsaikhan Namsrai
ӨНӨӨДӨР Оюутолгой төслийн далд уурхай ажиллаж эхэлж байна. Бахархалтай л байна
Гэхдээ зэрэгцээд АЙДАС төрөөд байна. УС!!! ГҮНИЙ УС!!!!
Усны асуудлыг хэрхэн шийдсэн юм бол? Технологио сайжруулсан болов уу?
ЗГ хамаг том дарга нар манай говьд очиж гадаа хуралдаад байсан шиг санагдахын хэдэн онд ч билээ
Ганзаяа Заяа
Оюу Толгойн далд гүний уурхай ашиглалтад орсон ч хамгийн гол нь 34 хувьдаа оногдох ноогдол ашиг хүртэнэ.
34 хувьдаа ашиг хүртэх дээ
Дубайн гэрээгээр бол 2038 оноос л ногдол ашиг хүртэхээр гэрээ хийсэн .Гэтэл энэ байдал өнөөдөр ч хэвээрээ байгаа.
Сая Оюутолгой төслийн Хуулийн хэлтсийн даргаас сэтгүүлч "Монголчууд хэзээнээс ногдол ашиг хүртэх вэ?" гэж асуулаа.
-"Далд уурхай ашиглалтад орсноор Монголчуудын хүртэх өгөөж мэдээж наашилна гэж хариулав.
Хэзээнээс хэр хэмжээний ашиг яаж хүртэж…. гийгүүлэх юм !!
Юу гэсэн ч үг юм. Галзуу юм бэ Битгий ийм бандийн бай л даа
Босоо Хөх Монгол Чойгоо:
Оюу толгой секунт тутам 860 литр ус хэрэглэдэг.Гүний уурхай ашиглаж эхлээгүй байх даа л усны нөөцийнхөө 70-80%-г ашиглаж байсан Рио Тинто гүний уурхай ашиглалтанд оруулвал 100% даа хөнгөхөөн хүрч, цаашлаад усны хомсдолтой нүүр тулгарна. Ер нь бол говийн гадаргын гүний ус тухайн нутгийн гадаргын болон гүний худгуудтай холбоотой тул ширгэж алга болох нь тун ойрын ирээдүй. Рио Тинтогийн үйл ажиллагаа энэ чигээрээ үргэлжилвэл усны нөөцийг 7 жил, ихдээ 25 жилийн дотор хатсан цөл болгож хувиргана. Өнөөх африкийн байгалийг хуурай хатсан цөл болгосон шигээ манай говийн бүсийг хүн амьдрах аргагүй усгүй үхлийн хөндий болгох нь ойлгомжтой.
Манай ерөнхий сайд гүний уурхай ашиглалтанд орлоо, 100 жил олборлож ашгаа хүртэнэ гэж донгосч харагдах, бодит байдал дээр Рио Тинто Оюу толгой ордыг маань 10-20 жилийн дотор хоослоод, гүний болон гадаргын цэнгэг усгүй болгож хаячихаад л гараад явчихна, угаасаа Оюу толгойн ордын нөөцийг 2037 он хүртэл хийсэн байдаг нь тэр үед бүх нөөцийг шавхаж аваад гарнаа л гэсэн үг юм ш дээ!
Усгүй бол алтаар яах вэ? Гэдэг л…….
Бэлтгэсэн Б.Ирээдүй