Хөгжлийн банкны асуудлаарх нээлттэй сонсголын гуравдугаар шат өнөөдөр /2022.03.13/ эхэлж байна.
Өнөөдрийн сонсголын эхэнд АСЕМ-ын уулзалтыг зохион байгуулсан төслийн зарцуулалтын талаар хэлэлцэж байгаа юм. Энэ хүрээнд Засгийн газар тогтоолж гаргаж, АСЕМ Вилла цогцолбор хотхоныг барьж байгуулах санхүүжилтийг арилжааны банкаар дамжуулан гаргахыг Хөгжлийн банканд зөвшөөрчээ. Улмаар санхүүжилтийн эх үүсвэр Хөгжлийн банкнаас гарч, Худалдаа хөгжлийн банкаар дамжуулан зээлсэн байна.
Хөгжлийн банкны түр хорооны дарга Б.Энхбаяр: Арилжааны 5 банкаар дамжуулан нийт 16 зээлдэгчид 108,4 тэрбум төгрөгийн хөнгөлттэй зээл олгосон. Шинжээч дүгнэлтээ танилцуулгна уу.
Шинжээч: Үүний зарцуулалтын талаарх шинжээчийн дүгнэлттэй танилцахад “Гэрээнд заасан зориулалтын дагуу ашигласан ганц компани нь Мика интерпрайз ХХК. Бусад 15 дэд зээлдэгчийн хувьд зориулалтын бусаар ашигласан байна” гэв.
Хөгжлийн банкны түр хорооны дарга Б.Энхбаяр: Иймд АСЕМ зохион байгуулна гэх халхавчаар зээл авч, өөрсдийн арилжааны банкуудын зээлийг хаасан байна.
М.Өлзийхишиг
