Ши Жиньпин БНХАУ-ын даргаар дахин сонгогдлоо. Хятадын тэргүүн анхны айлчлалаа аль улсад хийх, барууны эсрэг тэмцэлд Оросыг дэмжиж эхлэх эсэх талаар улс төр судлаач Леонид Ковачич юу гэж өгүүлснийг хүргэж байна.
Чуулганы нэгдсэн хуралдааны үеэр БНХАУ-ын Бүх Хятадын Ардын Төлөөлөгчдийн Их Хурлын депутатууд Ши Жиньпинийг тус улсын дарга, Цэргийн төв зөвлөлийн тэргүүн гэсэн хоёр албан тушаалд улиран сонгохыг санал нэгтэй дэмжив. Нууц санал хураалтад 2952 депутат оролцсон.
Ши Жиньпин тус улсын орчин үеийн түүхэнд гурав дахь удаагаа даргаар сонгогдсон анхны удирдагч болов. Өмнө нь дээд тал нь хоёр таван жилээр албан тушаал хаших боломжтой байсан бол Үндсэн хуульд нэмэлт, өөрчлөлт оруулж, энэ хязгаарлалтыг цуцалсан. Одоо тэрээр тодорхойгүй хугацаагаар сонгогдох боломжтой.
Зарим шинжээчдийн үзэж байгаагаар Ши Жиньпин дор хаяж 2035 он хүртэл БНХАУ-ын даргаар ажиллахаар төлөвлөж байна. Энэ үед “социалист шинэчлэл, үндэстний сэргэн мандалтын” эхний үе шатыг хэрэгжүүлнэ. Үүний хүрээнд Хятад улс дундаж орлоготой нийгмийг хөгжүүлж, армиа сайжруулж, нийгэм, эдийн засаг, улс төрийн салбарт шинэчлэл хийхээр төлөвлөж байна.
Ши Жиньпин даргаар улиран сонгогдсон нь Украины асуудлаарх БНХАУ-ын байр суурийг өөрчлөх магадлал багатай гэж судлаач Леонид Ковачич "PolitExpert" сэтгүүлд ярьжээ. Одоогоор Бээжин Москвад цэрэг-техникийн дэмжлэг үзүүлэхгүй байгаа бололтой. Харин талуудын худалдаа, эдийн засгийн харилцаа идэвхжинэ.
ОХУ, БНХАУ-ын худалдаа, эдийн засгийн хамтын ажиллагаа бүтэн жилийн турш хөгжиж байна. Хоёр орны худалдааны эргэлт 200 тэрбум долларт хүрч, Хятад Оросын түүхий эд болох газрын тос, байгалийн хийг идэвхтэй худалдан авч байна. Тиймээс хамтын ажиллагаа үргэлжилнэ гэж улс төр судлаач үзэж байна.
Хэрэв Ши Жиньпингийн сонгогдсоны дараах анхны айлчлал Москва байх аваас энэ нь Украины тусгай ажиллагаа эхэлснээс хойшхи нэг жилийн хугацаанд Кремлийн Бээжинтэй харилцах улс төрийн гол үйл явдал болно гэж Ковачич хэлэв. Орос Хятадаас урагшлах алхмуудыг хүлээж байна.
Ийм зүйл болох бүрэн боломжтой. Тодорхой огноог урьдчилан таамаглахад хэцүү ч наад зах нь Бээжин айлчлал болно гэдгийг үгүйсгэсэнгүй. Бид удахгүй болох уулзалтын талаар итгэлтэйгээр ярьж чадна. ҮЭнэ төлөвлөгөөг зөвхөн давагдашгүй хүчин зүйл л өөрчлөх боломжтой" гэж улс төр судлаач үзэж байна.
Эх сурвалж: Politexport
