Гуравдугаар сарын 9-ний шөнө Америкийн дайн судлалын хүрээлэн /ISW/ Украин дахь байлдааны ажиллагааны шинэ газрын зургийг нийтэлжээ.
Энэ зургаас харвал 3-р сарын 8-ны байдлаар Оросын цэргүүд Донецк муж дахь Бахмут хотын50-иас доошгүй хувийг эзэлж байна.
ISW-ийн шинжээчдийн үзэж байгаагаар Оросын цэргүүд Бахмут хотын баруун хойд болон баруун өмнөд хэсэгт довтолгоогоо эрчимжүүлж, хотыг хоёр хэсэгт хуваадаг Бахмутка голыг тойрч гарах магадлалтай байна.
Үүний зэрэгцээ "Вагнер" группийн үүсгэн байгуулагч Евгений Пригожин Дубово-Васильевка тосгоныг эзэлсэн тухай өчигдөр өглөө мэдэгдсэн ч ISW энэ талаар ямар нэг тайлбар өгөөгүй байна.
АНУ-ын Дайн судлалын хүрээлэнгээс доорхи дүгнэлтийг гаргажээ. Үүнд:
-Герман, Польш улс 2023 оны 3-р сард Украинд 28 ширхэг "Leopard 2" танк нийлүүлэх болсноо зарласан. Ингэснээр Украины цэргийн сөрөг довтолгоо хийх чадамж нэмэгдэж Оросын арми болон танкуудад их хэмжээний хохирол учруулах боломжтой.
-Оросын цэргүүд Купянск-Святово-Кременная шугамын дагуу хуурай замын цохилт өгсөөр байна.
-Гуравдугаар сарын 8-нд Оросын цэргүүд Бахмут орчимд довтолгоогоо үргэлжлүүлсэн боловч хотыг тойрч гарах замыг бүрэн чөлөөлж чадсангүй.
-Оросын цэргүүд Донецкийн захад давшилтын ажиллагаагаа үргэлжлүүлэв.
Эх сурвалж: Сentralasia.media
