Гуравдугаар сарын 8-ны Лхагва гарагт Оросын сэтгүүлчид гадаадад ажиллахаар болсон, тэр дундаа "цэргийн хуурамч" хэргээр эрүүгийн хэрэгт татагдах аюул заналхийлсэн тул Владимир Путины жилийн өмнө хэлсэн үгсийн бодит байдал хоорондоо зөрж байгаад анхаарлаа хандуулав.
Путин 2022 оны 3-р сарын 8-ны өдөр эмэгтэйчүүдэд Олон улсын эмэгтэйчүүдийн эрхийг хамгаалах өдрийн мэндчилгээ дэвшүүлэхдээ "Хугацаат цэргийн алба хааж байгаа эрчүүд байлдааны ажиллагаанд оролцдоггүй, оролцох ч үгүй гэдгийг би онцлон тэмдэглэж байна. Цэргийн алба хааж байгаа цэргийн албан хаагчдыг нэмэлтээр татахгүй. Зөвхөн мэргэжлийн цэргийн албан хаагчид фронтод очдог" гэж байв.
ОХУ өнгөрөгч есдүгээр сарын 21-нд дайчилгаа зарласан бөгөөд үүнийг Путин "хэсэгчилсэн" гэж нэрлэсэн. Украины эсрэг дайнд мэргэжлийн цэрэг биш 300 мянга орчим эрчүүд дайчлагдсан гэж эрх баригчид мэдэгдэв. Эндээс харвал фронтод зөвхөн цэргийн мэргэжлийнхэн тулалдаж буй гэсэн Путины хэлсэн үг үйлдэл хоёр зөрсөн болж таарав.
2023 оны 3-р сарын 8-нд В.Путин видео мессежээр эмэгтэй цэргийн албан хаагчид болон төрөл төрөгсөд нь Украинд байлдахаар илгээгдсэн хүмүүст тус тусад нь баяр хүргэв.
"Таныг манай цэрэг, офицерууд, хайртай хүмүүс болон огт танихгүй хүмүүсийн төлөө залбирч, эелдэг үг, сайн үйлсээр хэрхэн чин сэтгэлээсээ, харамгүй дэмжиж байгааг чинь би мэдэж байна. Та бүхэн тэдэнд захидал бичиж, хэрэгтэй бүх зүйлийг нь цуглуулж, өнгөлөн далдлах тор нэхэн илгээж, эсвэл эмнэлгүүдэд сайн дурын ажилтнаар очиж хүн бүрийг өөрийн хүү шигээ асраарай" гэж Путин хэлсэн үгэндээ онцолжээ.
Эх сурвалж: ВВС
