Коронавирусийн цар тахлын дараагаар улс орнууд аялал жуулчлалын салбараа дэмжихээр төрөл бүрийн арга туршиж байгаа билээ. Хонконг гэхэд л жуулчдад нислэгийн тийз үнэгүй олгох болсон бол Итали улс дахь зарим бүс жуулчдын байрлах байрыг үнэ төлбөргүй болгохоор шийдвэрлэсэн.
Тэгвэл дээрх газруудын жишгийг даган Тайванийн арлууд ч аялал жуулчлалын салбараа дэмжихээр жуулчдад мөнгө өгөх болжээ.
Тодруулбал, Тайванийн засгийн газрын зүгээс жуулчин тус бүрд 5,000 шинэ тайвань доллар олгохоор шийдсэн байна.
Харин мөнгийг хэрхэн олгох талаар тодруулахад тэд жуулчдад зориулсан дижитал карт нээх бөгөөд тус картад мөнгийг байршуулсан байх гэнэ. Улмаар жуулчид тус мөнгийг хоол хүнс, байр зэрэг аяллынхаа зардалд ашиглах ажээ.
Гэвч одоогийн байдлаар тус хөтөлбөр хэзээнээс хэрэгжиж эхлэх нь тодорхойгүй байгаа юм.
Эх сурвалж: CNBC
