Туркийн сөрөг хүчний эвсэл Бүгд найрамдах ардын намын 74 настай удирдагч Кемал Кылычдароглуг ирэх ерөнхийлөгчийн сонгуульд нэр дэвшүүлсэн тухай Сабах сонин мэдээлэв.
Түүний хэлснээр Анкарад болсон уулзалтын дараа сөрөг хүчний зургаан нам мэдэгдэл хийсэн байна.
Сөрөг хүчний нэр дэвшигч Кылычдароглугийн нэрийг Аз жаргалын намын дарга Темел Карамоллаоглу зарлав. Ингэснээр тэрбээр ирэх тавдугаар сард болох Ерөнхийлөгчийн сонгуульд одоогийн Ерөнхийлөгч Режеп Тайип Эрдогантай өрсөлдөх юм..
Туркийн улс төрийн хүрээнийхэн Кылычдароглуг бүх сөрөг хүчний хамгийн хүчирхэг нэр дэвшигч гэж үздэг. Кемал Кылычдароглу нягтлан бодогчоор ажиллаж байсан бөгөөд 1983 онд Орлогын ерөнхий газарт томилогдсон. Хожим нь Хөдөлмөр, нийгмийн хамгааллын яамны дэд даргын туслахаар хэсэг хугацаанд ажилласан. 1999 онд Нийгмийн даатгалын сангийн ерөнхий захирлын албан тушаалаас сайн дураараа тэтгэвэрт гарсан. Хэсэг хугацаанд тэрээр Хажитепе их сургуульд багшилж, Туркийн Иш Банкасын Удирдах зөвлөлийн гишүүнээр ажиллаж байжээ.
2002 оны арваннэгдүгээр сарын 3-нд Истанбулаас БНН-аас депутатаар сонгогдсон. Парламент дахь намын бүлгийн даргаар ажиллаж байсан. 2010 оны тавдугаар сарын 22-нд БНН-ын даргаар сонгогдсон. Тэрээр одоо энэ албан тушаалд ажиллаж байна.
Сануулахад өнгөрсөн нэгдүгээр сард Туркийн удирдагч Режеп Тайип Эрдоган Туркийн ерөнхийлөгчийн болон парламентын сонгууль тавдугаар сарын 14-нд болно гэж мэдэгдсэн юм.
Анх 6-р сарын 18-нд сонгууль явуулахаар төлөвлөж байсан ч аялал жуулчлалын оргил үетэй давхцаж байгаа тул хойшлуулах нь зүйтэй гэж намынх нь зүгээс үзэж байсан. Гэсэн хэдий ч энэ хугацааг тавдугаар сард болгон наашлуулаад байгаа юм.
Эх сурвалж: Сentralasia.media
