ОХУ-ын Батлан хамгаалах яамнаас Сергей Шойгугийн Мариупольд хийсэн айлчлалын бичлэгийг үзүүлжээ. Тус яамны хэвлэлийн албаны мэдээлснээр, тэнд тэрээр "Донбассын дэд бүтцийг сэргээх Оросын БХЯ-ны Цэргийн барилгын цогцолборын ажлыг шалгасан" гэжээ.
"Бүгд Найрамдах Донецк Ард Улсын Мариуполь хотод Оросын сайд ашиглалтад орсон байгууламжуудын бэлэн байдал, баригдаж буй барилга, байгууламжийн талбайн ажлын явцтай танилцлаа. Үүний дотор Сергей Шойгу цэргийн барилгачдын барьсан нэгдсэн эмнэлгийн төв, Бүгд найрамдах улсын Онцгой байдлын яамны аврах төв, таван давхар 12 орон сууцны шинэ бичил хорооллол зэрэг бүтээн байгуулалттай танилцсан байна"гэж мэдээнд дурджээ.
Айлчлалын үеэр сайд Ростов муж болон Бүгд Найрамдах Донецк Ард Улсыг Дон мөрнөөс Северский Донец-Донбассын суваг хүртэл холбосон хамгийн том ус дамжуулах хоолой барих ажлын тайланг сонссон байна. Дамжуулах хоолой нь бүс нутгийн олон хот суурин газрыг усаар хангах төлөвтэй байна.
Гуравдугаар сарын 4-нд ОХУ-ын Батлан хамгаалах яамнаас Сергей Шойгу Украин дахь "цэргийн ажиллагаа"-ны бүсийн Өмнөд Донецкийн чиглэлийн "Восток" бүлэглэлийн цэргийн ангиудын нэг командын байрны ажилыг шалгасан гэж мэдээлсэн. Сайд мөн өдөр цэргийн нэгдсэн бүлгийн төв байранд дарга нартайгаа уулзалт хийж, тэр дундаа цэргийнхнийг зэвсгээр хангах талаар ярилцав. Мөн гуравдугаар сарын 5-нд Шойгу Украин дахь "цэргийн ажиллагаа"-ны бүсэд байгаа цэргийн бүлэглэлийн командлагч нартай уулзалт хийсэн байна.
2022 оны 8-р сард ОХУ-ын Барилгын яам Мариуполь хотыг гурван жилийн дотор сэргээх төлөвлөгөөгөө зарласан бөгөөд үүниэй холбоотойгоор хотын дарга Олег Моргун 400 гаруй барилгыг нураах шаардлагатай гэж мэдэгдсэн бөгөөд түүний хэлснээр 2023 онд нураах ажлыг дуусгахаар төлөвлөж байна.
Эх сурвалж: Сentralasia
