Малайз улсын баялгийн сан 1MDB-ээс $4.5 тэрбумыг хулгайлсан хэргийн мөрөөр АНУ-ын Холбооны Мөрдөх Товчооныхон шалгахдаа урлаг соёлын зарим алдартнуудаас мэдүүлэг авч байжээ.
Америкийн реалити шоуны од Ким Кардашянаас 2019 оны 2-р сард тус товчоо мэдүүлэг авч байжээ. Түүний мэдүүлгийг Блүүмбэрг агентлаг нийтэд мэдээлжээ.
Баялгийн сангийн мөнгийг зүй бусаар ашигласан гол хүн гэгддэг санхүүч Жо Лоуг АНУ-ын хууль зүйн яам 2018 оноос эхлэн шалгаж байгаа аж.
Ким Кардашян 2009 онд анх Жо Лоутай танилцсанаасаа хойш нийт зургаан удаа уулзжээ. Нэг удаа Лас Вегас хотод очихдоо Лоутай мөрийтэй тоглоом тоглосон байна. Тэр хамт толгосон хүмүүстээ их хэмжээний тоглоомын хясаа бэлэглэдэг бөгөөд уламжлал ёсоор Ким Кардашянд их хэмжээний тоглоомын хясаа бэлэглэжээ.
КИм хясаагаа казиногийн кассад сольж, бэлэн мөнгө болгоход $250,000 хүрч байжээ. Ийм их бэлэн мөнгөтэй буцахаа мэдээгүй байсан Ким хогийн уутанд хийгээд авч явжээ.
Ким Кардашянд нийт $350,000-тай тэнцэх хясааг Лоу бэлэглэж, үлдсэн хэсгийг нь сүүлд бэлэн мөнгө болгосон байна.
Сүүлд хоёр дахь удаагаа Лоутай тоглохдоо Ким $100,000-тай тэнцэх бэлэг авч байснаа бас мэдүүлжээ.
