Хүнсний хувьсгал эвтэйхэн явчихаар, амьдралд нийцсэн аятайхан санаачилга мэт. Хүнсний аюулгүй байдал бол хүний аюулгүй байдал юм даа. Цар хүрээ өргөн, үр дүн арвин. Ерөнхийлөгч У.Хүрэлсүхийн санаачилсан “Хүнсний хангамж, аюулгүй байдал” үндэсний хөдөлгөөний хүрээнд таварын хөнгөлөлт, чөлөөлөлт ингэж үйлчилнэ.
-ААНОАТ-ын тухай хуульд заасны дагуу жилийн 1.5 тэрбум төгрөгөөс доош борлуулалттай ААН-ийн ногдуулсан албан татварыг 90%-иар хөнгөлнө.
Үр тариа, төмс, хүнсний ногоо, сүү, жимс, жимсгэнэ, тэжээл, тэжээлийн ургамал, эрчимжсэн тахианы аж ахуйн үйлдвэрлэсэн мах, махан бүтээгдэхүүн үйлдвэрлэсэн, тариалсан ААН-ийн албан татварыг 50%-иар хөнгөлнө.
-ХХОАТ-ын тухай хуулийн дагуу үр тариа; төмс, хүнсний ногоо, түүний үр; жимс, жимсгэнэ, түүний үр, суулгац; тэжээлийн ургамал; модны суулгац үйлдвэрлэсэн болон тариалсан Монгол Улсад байнга оршин суугч албан татвар төлөгчийн зөвхөн тухайн үйлдвэрлэлээс олсон орлогод ногдуулах албан татварыг 50%-иар хөнгөлнө.
-НӨАТ-ын тухай хуулийн хүрээнд дараах төрлийн барааг нэмэгдсэн өртгийн албан татвараас чөлөөлнө. Үүнд:
- Газар тариалан эрхлэгчийн дотооддоо тарьж борлуулсан үр тариа, төмс, хүнсний ногоо, суулгац, жимс жимсгэнэ, үйлдвэрлэсэн гурил;
- Монгол Улсын нутаг дэвсгэрт үйлдвэрийн аргаар төхөөрч бэлтгэн дотооддоо борлуулсан тураг болон шулж ангилсан мах, боловсруулаагүй дотор эрхтэн, дайвар бүтээгдэхүүн;
- Монгол Улсын нутаг дэвсгэрт дотоодын түүхий эдээр боловсруулан дотооддоо борлуулсан хүнсний сүү, сүүн бүтээгдэхүүн тус тус багтаж байна.
Импортоор оруулж байгаа болон дотоодод борлуулсан хөдөө аж ахуйн зориулалттай техник, тоног төхөөрөмж, бордоо, ургамал хамгааллын бодисыг 2025 он хүртэл нэмэгдсэн өртгийн албан татвараас чөлөөлнө.
-Гаалийн албан татвараас чөлөөлөх тухай хуулийн хүрээнд хүнс, хөдөө аж ахуйн гаралтай түүхий эд боловсруулах зориулалттай, тухайн үйлдвэрийн үндсэн хөрөнгөөр бүртгэх шинэ тоног төхөөрөмжийг 2027 он хүртэл импортын барааны гаалийн албан татвараас 100% хөнгөлнө.
