Улаанбаатар хотын нийтийн тээвэрт 2009 оноос хойш шинэчлэл хийгдээгүй. Харин энэ он гарснаас хойш зуу гаруй шинэ автобусыг импортлон, үйлчилгээнд гаргаад байгаа юм.
Шинэ автобуснууд нь 2022 онд үйлдвэрлэсэн, евро стандартын шаардлага хангасан, 8400 cc хүчин чадалтай евро V дизель хөдөлгүүртэй, хана, тааз, шал нь гал, усанд тэсвэртэй, цонх нь бууралттай, хүйтний улиралд цантдаггүй, давхар /вакум/ шилтэй, иргэдэд үйлчлэхэд тав тухтай гэх зэргээг олон давуу талтайг дурдаад буй.
Гэтэл шинээр ирсэн нийтийн тээвэрт тэргэнцэртэй иргэдэд зориулсан хэсэгт хогийн савыг шрупдэж тогтоосон байгааг нэгэн ирсэн олон нийтийн сүлжээнд нийтэлжээ. Үүний улмаас иргэдэд зорчиход хүндрэл үүсэж байгааг тэрбээр дурдсан байна.
Түүний сэтгэгдлээс дурдвал, "Тэргэнцэртэй хүний зорчих хэсэгт хогийн сав байршуулсан байхаар нь хажууд байсан хүнээс холдуулж өгөхийг хүслээ. Тэгсэн авагддаггүй. Доор шалтай нь шруптээд тогтоосон байхыг хараад үнэхээр гайхлаа. Хогийн сав байршуулсан нь сайн боловч, "Тэргэнцэртэй болон хүүхдээ тэргэн дээр авч явж байгаа эцэг эхчүүд" яаж зорчих болж байна? Буухдаа жолоочид нь налуу замаа буулгаад өгөхийг хүссэн боловч жижиг машинууд байна, боломжгүй хэмээн налуу зам гаргахад тохиромжгүй зогслоо. Тэгээд налуу замаа буулгасан чинь замын хашлага тараад хэцүү буулаа.
Хичнээн сайхан автобус, техник технологи байсан ч үйлчилгээ үзүүлж буй хүн нь ойлголт мэдлэггүй сэтгэлгүй байхаар чинь яах юм бэ?
Хүртээмжтэй автобуснууд өмнөхөө бодвол олон чиглэлд явж байгааг хараад хүссэн чиглэл рүүгээ явахад тэргэнцэртэй хүмүүс явах боломжтой болж байгаа нь сайхан мэдээ. Гэвч жолооч нараа тэргэнцэртэй болон бусад бэрхшээлтэй хүмүүст үйлчлэх сургалтанд суулгаж чадвахжуулах нь зүйтэй болов уу" гэжээ.
