"Алтан тариа" компанийн захихал П.Цэнгүүн гэх эрхэм цахим хуудаснаа "өнөөдрөөс эхлэн гурилынхаа үнийг 1кг тутамд нь 20 төгрөгөөр нэмсэн" гэдгээ мэдэгджээ. Ингэснээр 1кг нь 2700 төгрөг байсан гурил 2720 төгрөг болж байна гэсэн үг.
Учир нь тэрээр ШӨХТГ-аас тус компанид тавьсан торгуулийн шийтгэлийг эсэргүүцэн, уг эсэргүүцлээ иргэдэд гаргаж ийнхүү гурилын үнийг нэмж байгаа аж.
Ингэхдээ,
"Гурилын үнийг өнөөдрөөс 20₮-өөр нэмэв. Үндэслэл нь: төрийн дарамт, шахалт, шантааж. ШӨХТГ гэх өрсөлдөөний эсрэг газар хэрэглэгчдийг хууль бусаар хохироосон худалдааны арга хэрэглэсэн гэж торгов. Бүх төрлийн татвар, хураамж,торгууль шийтгэлийг хэрэглэгч төлдөгийг мэдэхгүй бололтой" хэмээжээ.
Үндсэндээ "Алтан тариа" компанийн даргатан хууль бус үйлдлийнхээ төлөөсийг эгэл жирийн иргэд, хэрэглэгчдэд үүрүүлж, гурилйнхаа үнийг нэмж байгаа аж. Харин өөрсдийн буруугаа үйлчлүүлэгчдэдээ үүрүүлдэг түүний жиргээг зарим нэг нь эсэргүүцэн "Алтан тариа" гурилыг авахгүй байхыг ч уриалаад байна.
