Засгийн газрын ээлжит хуралдаанаар төрийн албан хаагчийн ёс зүйн дүрмийг шинэчлэх үүргийг Ерөнхий сайд Л.Оюун-Эрдэнэ ЗГХЭГ-ын дарга Д.Амарбаясгаланд өглөө.
Энэ талаар ЗГХЭГ-ын дарга Д.Амарбаясгалан "Төрийн албан хаагч нь ард иргэдээс илүү мэдээлэлтэй байж, төрөөс гарсан шийдвэр, хууль, дүрэм журмыг ягштал баримталдаг байх хэрэгтэй. Ядаж замын хөдөлгөөнд оролцохдоо дүрэм зөрчдөггүй, нийгмийн соён гэгээрэлд манлайлах ёстой. Архидаж согтуурсан үед автомашин барьдаггүй байх ёстой. Иймэрхүү энгийн бөгөөд зайлшгүй баримтлах шаардлагатай дүрмийг ёс зүйн дүрэмд нь оруулна. Ойрын хугацаанд үүнийг судалж, илүү ойлгомжтойгоор шинэчилнэ" гэлээ.
