Чөлөөт иргэн болсон УИХ-ын гишүүн асан Ж.Батзандан Австралиас номтой ирж, уг номондоо "Монгол эх орноо аврах 18 хувьсгал"-ыг багтаасанаа мэдэгдлээ. Тэгвэл ХҮН намын дарга УИХ-ын гишүүн Т.Доржханд мөн хувьсгал хийхээр тэмүүлж эхлэв. Тэрээр "Амьдралын чанараа дээшлүүлье" тайван жагсаалыг өчигдөр хийсэн. Т.Доржханд жагсаалын үеэр хэлсэн үгэндээ "Энэхүү жагсаалыг би дөрвөн хүүхдийн аав, Монгол Улсын иргэний хувьд хийж байна. Бид тогтолцооны өөрчлөлт л хийхгүй бол одоогийн нөхцөл байдлыг өөрчилж чадахгүй. Ядаж л төсвөө алдагдалгүй батлах болов уу гэсэн хүлээлттэй байлаа" гэлээ. Мөн "Манай ангийн нөхөд Хөгжлийн банкны хулгайчдаа хамгаалж, түдгэлзүүлэхгүй авч үлдлээ. Энэ шударга ёс юм уу. Бид хулгайтай тэмцэх ёстой биз дээ. Хулгайлсан бол хулгайч гэдгийг нь хэлэх ёстой." хэмээн УИХ-ын гишүүдэд хатуухан хэлсэн юм. Тэрбээр УИХ-ын даргад шаардах хуудас өгсөн ба Сүхбаатарын талбай дээр гарч суулт хийнэ, жагсана. Зорилгоо биелүүлтэл хэд хоног тэмцэхийг мэдэхгүй" хэмээв. Түүний шаардлагын хариуг ажлын тав хоног дотор багтаан өгөхгүй бол тэмцлийн дараагийн хэлбэрийг сонгоно хэмээсэн юм.
