АНУ-ын Төрийн нарийн бичгийн дарга Энтони Блинкен Казахстаны нийслэл Астанд айлчлалаар ирж, Ерөнхийлөгч Касым-Жомарт Токаевтай уулзав. Үүнээс гадна Төв Азийн бүх таван улсын Гадаад хэргийн сайд нартай уулзсан бөгөөд тэрээр Казахстанаас Узбекистанд очих юм.
Оросоос олон талт хараат байсан Төв Азийн орнууд Оросын Украинтай хийсэн дайнд урт хугацааны турш төвийг сахисан байр суурь баримталж ирсэн.
Гэсэн хэдий ч Казахстаны ерөнхийлөгч Токаев өнгөрсөн зун Владимир Путины хажууд сууж байхдаа БНДАУ, Луганскийн тусгаар тогтнолыг Казакстан хүлээн зөвшөөрөхгүй гэдгээ ил тод мэдэгдсэн юм.
Харин өнгөрсөн долоо хоногт НҮБ-ын Ерөнхий Ассамблейд Оросын цэргийг Украины нутаг дэвсгэрээс нэн даруй гаргахыг шаардсан тогтоолын талаарх санал хураалтын үеэр Төв Азийн бүх улс түдгэлзсэн санал өгсөн бөгөөд зарим нь огт оролцоогүй юм.
Үүний зэрэгцээ эдгээр улс барууны орнуудаас бараа бүтээгдэхүүн импортлох зуучлагчийн хувьд Орост ашигтай болох нь тодорхой зүйл.
Эх сурвалж: ВВС
