Москва мужийн Коломенский дүүргийн Воскресенск хийн шахуургын станцаас 100 метрийн зайд нисэгчгүй нисэх төхөөрөмжийг унагажээ.
Тодруулбал, нисэгчгүй нисэх төхөөрөмжийг Губастово тосгон дахь хийн байгууламжийн ойролцоо олж харсан байна. Төхөөрөмжийг аюулгүй болгох үеэр хэн нэгэн бэртэж гэмтээгүй байна. Хэргийн газарт цагдаа нар очиж ажиллажээ.
Өмнөх өдөр нь Адыгейн бүс нутгийн Новый тосгонд үл таних нисэгчгүй нисэх онгоцыг унагасан бөгөөд үүний улмаас мал аж ахуйн фермийн барилгууд эвдэрсэн байна. Харин иргэд хохироогүй.
Түүнчлэн үүнээс өмнө Украины Зэвсэгт хүчний хоёр нисгэгчгүй онгоц Краснодарын хязгаарын Туапсе амралтын хот дахь нефтийн агуулах руу дайрахыг оролдсон юм. Shot Telegram сувгийн мэдээлснээр нисгэгчгүй онгоцууд тус байгууламж руу тэсрэх бодис хаях гэж байсан ч газрын нефть хадгалах агуулахаас 100 метрийн зайд дэлбэрчээ.
Энэ бүхний дараа ОХУ-ын Батлан хамгаалах яам Кубан, Адыгейд Украины нисэгчгүй нисэх онгоцуудыг устгасан гэж мэдэгдэв. Украины Зэвсэгт хүчний нисгэгчгүй онгоцууд хяналтаа алдаж, өгөгдсөн замаасаа хазайсан гэж тус яамнаас мэдээллээ.
Эх сурвалж: Лента.ру
