АНУ 2021 оны зун Афганистанаас цэргээ зохицуулалтгүй гаргаж, үүний үр дүнд дор хаяж 7.2 тэрбум долларын зэвсэг, цэргийн техник тус улсын шинэ эрх баригчдын мэдэлд үлдсэн.
Афганистанд орхигдсон зэвсгийн дунд нисэх онгоц, пуужин, харилцаа холбооны хэрэгсэл, биометрийн төхөөрөмж байгаа аж. Ирсэн ачааг тоолдог цахим мэдээллийн сан ажиллахаа больсон тул орхигдсон тоног төхөөрөмжийг үнэн зөв үнэлэхэд хүндрэлтэй байна. Афганистаны армитай хамтран ажилласан хорин жилийн хугацаанд АНУ тэдэнд 18.6 тэрбум ам.долларын тусламж үзүүлжээ.
Афганистаны албаныхан Жо Байдены засаг захиргааг тус улсаас цэргээ татах шийдвэр гаргана гэж төсөөлөөгүй гэж тайланд дурджээ. Америкийн цэргүүд байрлаж байсан газраа орхиж явсан нь "АНУ Афганистаныг Талибаны ирээдүйн засгийн газарт зүгээр л шилжүүлж байна" гэсэн сэтгэгдэл төрүүлсэн юм.
Афганистанд гаргасан алдаагаа давтахгүйн тулд Украинд үзүүлж буй одоогийн цэргийн тусламжийг илүү хяналттай байлгах ёстой гэсэн байр суурийг АНУ-ын албаныхан илэрхийлж байна.
"АНУ Украин руу урьд өмнө байгаагүй их хэмжээний зэвсгийг тээвэрлэж байгаа нөхцөлд зарим тоног төхөөрөмж хар зах дээр гарах эсвэл буруу хүмүүсийн гарт орох эрсдэл ойрхон байна" гэж анхааруулж байгаа юм.
АНУ болон НАТО 2021 оны дөрөвдүгээр сард Афганистанаас цэргээ гаргаж эхэлсэн бөгөөд тухайн жилийн долдугаар сар гэхэд гадаадын цэргийн албан хаагчдын 90 хувь нь эх орноо орхин гарсан байв.
Байден өөрийнх нь улсад өдөрт 150-300 сая долларын хохирол учруулсан 20 жилийн дайнаас АНУ-ыг гаргах, эсвэл Америкийн цэргийн тоог нэмж, кампанит ажлыг үргэлжлүүлэх гэсэн сонголтын өмнө тулгарсан гэж тайлбарлаж,"Бид энэ дайнд 2,448 америк иргэнээ алдаж мөн 20,722 хүн гэмиэж шархадсан...Тэгээд би дайныг зогсоохоор шийдсэн" гэж тэр мэдэгдэж байсан юм.
Тодотгоход, талибууд 2021 оны наймдугаар сарын дундуур Кабул хотыг хяналтдаа авсан.
Эх сурвалж: Сentralasia.mediа
