Өнгөрсөн оны нэгдүгээр сараас 12-р сарын хооронд түүнд бичсэн пропофол нийт 4.4 литрээс хэтэрсэн аж. Энэ мэтээр дахин хэтрүүлэн хэрэглэвэл түүний зүрх зогсох аюулд орж болзошгүй байжээ.
Тодруулбал, судсаар хийх мэдээ алдуулагчийг сард зургаан удаа хэрэглэдэг байсан нь мөрдөн байцаагчид болон орон нутгийн тайланд дурдсанаар сард нэг удаа энгийн процедур, оношилгооны зорилгоор хэрэглэхийг зөвлөдөг байснаас хавьгүй илүү байсан гэнэ.
Юү А Инийг хууль бусаар хар тамхи хэрэглэсэн гэх үндэслэлээр эрэн сурвалжлах, хураан авах тушаалд дээрх баримтыг нэмж оруулжээ.
Пропофол нь нойрыг өдөөдөг хүчтэй эм бөгөөд мэс засалд өргөн хэрэглэгддэг. Өмнөд Солонгост энэ эмийг мэс засал хийх, дурангийн шинжилгээ гэх мэт эмчилгээнээс өөр зорилгоор ашиглахыг хориглодог. Мөн марихуаныг зугаа цэнгэлийн зорилгоор ашиглахыг мөн хориглодог бөгөөд анх удаа гэмт хэрэг үйлдсэн хүнд таван жил хүртэл хорих, эсвэл 50 сая вон буюу 38,000 ам.долларын торгууль ногдуулдаг.
37 настай жүжигчнийг 2021 оноос хойш эмчилгээнээс өөр зорилгоор пропофол худалдаж авсан гэж цагдаагийн байгууллагад шалгуулж байгаа бөгөөд хууль бусаар хар тамхи хэрэглэсэн байж болзошгүй хүмүүсийн жагсаалтыг цагдаагийн байгууллагад шалгуулахыг хүссэн байна. Түүнд эмийн жор их хэмжээгээр бичиж өгсөн эмч дээр хэрэг үүсэж, цагдаагийн байгууллагад шалгагдаж эхэлсэн гэнэ. Үүний зэрэгцээ орон нутгийн мэдээллийн агентлаг MBC бямба гарагийн үдээс хойш Үндэсний шүүх эмнэлгийн газраас явуулсан алдартны үсний шинжилгээнд пропофол, марихуанаас гадна өөр нэг эмийн бодис илэрсэн гэж мэдэгдэв. Цагдаагийнхан уг мэдээллийг батлаагүй байна. Энэ хооронд жүжигчний UAA агентлаг шинэхэн мэдээний талаар мэдээгүй гэдгээ хэвлэлд мэдэгдэв.
