Дэлхийд чансаа өндөр CS&GO-ийн шилдэг багуудын дунд жил бүр зохион байгуулагддаг ESL Pro League тэмцээний 17 дахь улирлын тоглолтууд Малта улсад үргэлжилж байна.
800 мянган ам.долларын шагналын сантай энэ удаагийн тэмцээнд Монголын IHC E-Sports баг түүхэндээ анх удаа оролцлоо. А хэсгийн доод шатны хагас шигшээд дэлхийн чансааны есдүгээр байрт бичигддэг Европын Fnatic багтай тоглож 2:1 гэсэн үр дүнгээр хожигдлоо. IHC E-Sports баг overpass үе дээр 19:17 харьцаатайгаар хожил авсан юм.
Тус хэсэгт нийт дөрвөн удаа тоглож нэг хожил гурван хожигдолтойгоор тэмцээнээ өндөрлүүллээ. ESL Pro League тэмцээн гуравдугаар сарын 26-н хүртэл үргэлжилнэ.
