Ираны Зэвсэгт хүчний штабын дарга хошууч генерал Мохаммад Багери, IRGC-ийн Агаарын болон сансрын хүчний командлагч Амир Али Хажизаде нар
Иран улс алсын тусгалтай "Паве" далавчит пуужин зохион бүтээснээ үзүүлснийг тус улсын Агаарын цэргийн хүчний командлагч Хажизаде Амир Алигаас иш татан гэж IRNA агентлаг мэдээлэв. "Паве" гэдэг нь Ираны баруун хэсэгт орших хотын нэр бөгөөд энэ дуужин 1650 км-ын хол тусгалтай юм.
Нэмж дурдахад, Иран улс олон тооны бөмбөг тээвэрлэх чадвартай "Shaheed 149" болон "Gaza" нисгэгчгүй онгоцуудыг шинээр бүтээсэн аж.
Ираны цэргийн үйл ажиллагааны нэг зорилго бол АНУ-ыг хязгаарлах явдал юм хэмээн Хажизаде онцлон тэмдэглэжээ.
"Агаарын хүчинд анхнаасаа бид америкчуудын хүчин чадал, байлдааны машиныг үр дүнгүй болгохыг зорьсон" гэж тэр хэлэв. Тодруулбал, одоо Ираны пуужингууд 2000 км-ийн радиус доторх Америкийн хөлөг онгоцыг устгаж чадна гэж тэр хэлэв.
Үүнээс гадна Исламын хувьсгалт гвардийн корпусын командлагч Хоссейн Салами мөн Иран улс газар дээрх радар ашиглан хиймэл дагуулыг хянах системийг боловсруулсан гэж мэдээлэв.
Өнгөрсөн арваннэгдүгээр сард Иран хэт авианы баллистик пуужин бүтээсэн гэж мэдэгдсэн. Агаарын цэргийн хүчний дарга "Хэдэн арван жилийн турш үүнийг эсэрэгүүцэх ямар ч технологи гарахгүй гэж би бодохгүй байна" гэж Агаарын цэргийн хүчний дарга хэлэв
Одоо цэргийнхэн энэ пуужинг 14 мянган км/цаг) хүртэл хурдалж, дэлхийн агаар мандлаас гаднах орон зайд нисч чадна гэж мэдэгдэв.
Эх сурвалж: Сentralasia.medi
