Европын холбоо Оросын эсрэг арав дахь хориг арга хэмжээгээ баталлаа. Шинэ хязгаарлалтууд нь дайны нэг жилийн ойтой давхцаж байна. ЕХ-ны гол хориг арга хэмжээ аль эрт хэрэгжиж эхэлсэн бөгөөд одоо түүний гол үүрэг бол тэдгээр нь үр дүнтэй байгаа эсэхийг шалгах явдал юм.
Орос улс, ерөнхийлөгч Владимир Путин болон түүнээс хамааралтай албан тушаалтнууд, бизнесменүүд, төрийн компаниудын эсрэг урьд өмнө байгаагүй санхүү, худалдаа, газрын тос, хувийн хязгаарлалтууд нь Кремлийг Украин дахь дайныг санхүүжүүлэхээс сэргийлж, Киевийг түрэмгийлэгчтэй тэмцэхэд нь туслах зорилготой юм.
"ЕХ-ны гишүүд Украиныг дайнд ялахад нь туслахын тулд хамгийн хүчирхэг, өргөн хүрээтэй хориг арга хэмжээг авахаар шийдсэн. ЕХ нэгдмэл хэвээр байгаа бөгөөд Украины ард түмэнтэй мөр зэрэгцэн зогсож байна. Шаардлагатай бол бид Украиныг цаашид дэмжсээр байх болно." гэж ЕХ-ны дарга Твиттер хуудсандаа нийтэлжээ.
Өнгөрсөн оны 12-р сард өмнөх ес дэх хориг арга хэмжээний багцын хамт Европын холбоо фронтод хэд хэдэн ялагдал хүлээсний дараа Украины иргэний дэд бүтэц, хүн амыг бөмбөгдөх тухай Путины шийдвэрт хариу өгсөн юм.
Харин одоо хэрэгжиж эхлэх шинэ багц нь ЕХ-ны Оростой хийх худалдааг ойролцоогоор 11 тэрбум еврогоор бууруулах ёстой гэж Еврокомисс тооцоолжээ. Түүнчлэн хүлээгдэж байсанчлан дараахь хориг арга хэмжээ шиннэ хоригт багтжээ. ҮҮНД:
- ОХУ-д худалдахыг хориглосон барааны жагсаалтыг өргөжүүлэх, ялангуяа цахилгаан бараа, тусгай тээврийн хэрэгсэл, машины эд анги, ачааны машины сэлбэг хэрэгсэл, түүнчлэн Оросын цэргийн хүчинд ашиглах боломжтой барилгын салбарын бараа;
- Хориг арга хэмжээний жагсаалтад Оросын дахин хэд хэдэн банк багтсан байна Тухайлбал, Альфа-Банк, Тинкофф банкуудыг олон улсын SWIFT төлбөрийн системээс салгана гэж Ройтерс бичжээ. Мөн Росбанк ч хориг арга хэмжээнд орсон банкуудын тоонд орно гэж таамаглаж байна
- Давхар хэрэглээний бүтээгдэхүүний экспортын хоригт олон арван электрон эд ангиудыг багтааж өргөжүүлэх;
- Арми, суртал ухуулагчид болон Украины хүүхдүүдийг Орос руу албадан гаргахад оролцсон хүмүүсийг хориг арга хэмжээний жагсаалтад оруулна
Эх сурвалж: ВВС
