Цагаан ордны Үндэсний аюулгүй байдлын зөвлөх Салливан АНУ Украинд 2 тэрбум долларын шинэ цэргийн тусламж үзүүлнэ гэж мэдэгдлээ. Тэрээр энэ долоо хоногийн эхээр Америкийн ерөнхийлөгч Байдентай хамт Украины нийслэлд гэнэтийн айлчлал хийсэн юм.
Салливан хэлэхдээ, Байден Украинд айлчлах үеэрээ Ерөнхийлөгч Зеленскийд "Украин цаашид илүү олон их буу, сум хэрэгсэл, илүү олон HIMARS, мөн өмнө нь амлаж байсан Америкийн хуягт тээврийн хэрэгсэл, дараа нь танк хүлээж авах болно" гэж амалсан гэдгийг тодотгов.
Байданы онцолсон "HIMARS - M142" хөдөлгөөнт артиллерийн пуужингийн систем нь таван тоннын даацтай ачааны машинд суурилуулсан пуужин харвагч бөгөөд удирдлага бүхий дараалсан зургаан пуужин харвах боломжтой зэвсэг юм. Энэ зэвсэгийг Украин хэдийнээс ашиглаж эхэлсэн бөгөөд Ерөнхийлөгч Зеленский "HIMARS дайны явцыг өөрчилж байна" гэж үнэлсэн юм
АНУ-ын тусламжийн шинэ багцад Украин ямар төрлийн зэвсгийг авах талаар Салливан тодорхой хэлээгүй байна.
Энэ бол Украины дайн эхэлснээс хойшхи нэг жилийн ойн өдрийг тохиолдуулан АНУ-ын барьсан бэлэг болов.
Гэсэн хэдий ч эх сурвалжуудын мэдээлснээр тусламжийн багцад доорхи зэр зэвсэг орж байгаа ажээ. Үүнд:
- 155 мм калибрын их бууны нэмэлт сум;
- Лазераар удирддаг пуужингийн системд зориулсан сум;
- "CyberLux K8" нисгэгчгүй нисэх онгоцны /дрон/ цогцолбор;
- Нисэгчгүй нисэх төхөөрөмж "Switchblade 600"
- Нисэгчгүй нисэх төхөөрөмж "Altius-600";
- Нисэгчгүй нисэх төхөөрөмж "Jump 20";
- Нисэгчгүй нисэх онгоцыг эсэргүүцэх, цахим дайныг илрүүлэх хэрэгсэл;
- Цэвэрлэх хэрэгсэл;
- Харилцаа холбооны аюулгүй тоног төхөөрөмж.
АНУ-ын Батлан хамгаалах яам мөн Оросын цэргүүд Украинд довтолсны ойтой холбогдуулан мэдэгдэл гаргажээ. Пентагоны тэргүүн Ллойд Остины хэлснээр, нэг жилийн хугацаанд АНУ Украинд 32 тэрбум долларын цэргийн тусламж үзүүлсэн бол холбоотнууд дахин 20 тэрбумыг олгосон байна. АНУ Украинд 1.6 мянган "Stinger" систем, 8.5 мянган жад, 232 гаубиц, 2 сая гаруй сум, HIMARS систем 38 ширхэг, агаар"ын довтолгооноос хамгаалах "Patriot"-ын батарей, NASAMS 8 систем, явган цэргийн Bradley" байлдааны машин 109, "Abrams" танк, 31-ийг Украинд шилжүүлэв гэжээ.
Эх сурвалж: ВВС болон Centralasia.media
