Хөгжлийн банкнаас зээл аваад эргэн төлөхгүй байгаа ААН, хувь хүмүүстэй Засгийн газар чангахан гараар үзэхээр шийджээ. Өчигдөр Хуулийн сайд Х.нямбаатараар ахлуулж, хууль хүчний байгууллагуудыг эгнээндээ нэгтгэсэн өр нэхэмжлэх ажлын хэсэг байгууллаа. Энэ ажлын хэсэг "Хөгжлийн банкны зээл албадан төлүүлэх, шалгах, хуулийн ажиллагаа явуулах гээд бүх төрлийн аргаар ажиллана" гэдгээ мэдэгдлээ. Хөгжлийн банкинд 1.7 их наяд төгрөгийн чанаргүй зээл байгаагаас өнөөдрийн байдлаар 165 тэрбум төгрөг эргэн төлөгдөөд байгаа гэнэ.
