Ямар нэгэн сугалаа, хонжворыг сангийн сайдаас олгодог тусгай зөвшөөрлийн дагуу явуулах учиртай. Өөрөөр хэлбэл тусгай зөвшөөрөлгүй явуулсан сугалаа шаардах эрх үүсгэхгүй.
Жишээлбэл, цахим орчинд өрнөөд буй олны танил хосын зарласан машины сугалааны асуудал дээр холбон тайлбарлабал. Сугалаанд хожсон хүн машинаа авахаар болсон тохиолдолд сугалаа зохион байгуулагч өгөхгүй байх боломжтой гэсэн үг. Харин оролцогч төлсөн 50.000 төгрөгөө буцааж нэхэмжлэх эрх л үүсэх юм.
Энэ тухай хуульд хонжворт сугалаа, түүнтэй төсөөтэй бусад тоглоом нь эдгээрийг төрөөс зөвшөөрсөн тохиолдолд л шаардах эрх үүснэ гэж заажээ. Харин тусгай зөвшөөрлийг зөвхөн санхүү, төсвийн асуудал эрхэлсэн Засгийн газрын гишүүн олгох зохицуулалттай аж.
