Тайвань жуулчин тус бүрд 165 ам.долларын урамшууллын багц төлөвлөжээ
Тайвань цар тахлын дараа аялал, жуулчлалыг сэргээхээр энэ онд 500 мянга гаруй жуулчдад мөнгөн олговор болон хөнгөлөлт үзүүлэхээр боллоо. Тухайлбал: жуулчин тус бүрд 165 ам.доллар буюу нийт 82.4 сая ам.долларын урамшууллын багц төлөвлөжээ. Урамшууллыг хуваарилах хүрээнд азын сугалаа явуулах эсвэл нислэгийн тийзийн дугаараар нь түүврийн аргаар сонгох зэрэг аргыг судалж байгаа аж.
Мөнгөн олговрыг цахимаар шилжүүлэх эсвэл зочид буудал, тээврийн үйлчилгээ, худалдан авалтад нь хөнгөлөлт үзүүлэх замаар олгоно гэж албаныхан мэдээллээ.
Тайвань аравдугаар сард хилээ нээснээс хойш өнгөрсөн онд 900 мянган жуулчин хүлээн авсан байна.
