ОХУ-ын Ерөнхийлөгч Владимир Путин “Лужники” цэнгэлдэх хүрээлэнд болсон Эх орноо хамгаалагчдын өдөр, Оросууд Украинд довтолсны нэг жилийн ойд зориулсан концертын үеэр ард түмэндээ хандаж үг хэлж, эв нэгдэлтэй байхыг уриалаад өдгөө тус улсын иргэн бүр эх орноо хамгаалагч болсныг тэмдэглэв.
"Бид энд үнэхээр баярын арга хэмжээнд цугларсан, гэхдээ бид одоо манай улсын түүхэн хил дээр, ард түмнийхээ төлөө тулалдаан болж байна гэж цэргийн дээд удирдлагуудын хэлсэн үгийг энд дахин сануулахыг хүсч бана" Владимир Путин Лужники дахь ралли-концертын үеэр хэлэв.
Путины хэлснээр "эх орноо хамгаалагч" гэдэг үг нь ид шидийн хүчтэй, ариун нандин утгатай.
Лужникид болсон энэхүү арга хэмжээнд Украины дайнд шархадсан болон гэмтэж бэртсэний улмаас буцаж ирсэн цэргүүд оролцжээ.
"Өнөөдөр тэднийг улс орон даяар дэмжиж байгаа хүн бүр эх орноо хамгаалагч мөн гэсэн үг". Цэргийн албан хаагчдыг дэмжиж захидал бичдэг орос хүүхдүүд ч эх орноо хамгаалагчид гэж Путин хэлэв.
Эх сурвалж: ВВС
