ОХУ-ын Гадаад харилцааны сайд Сергей Лавров Фашист Германы удирдагч Адольф Гитлерийг еврей хүн байсан гэж хэлсэн нь израилчуудын болон нийт еврейчүүдийн дургүйцлийг хүргэсэн юм. Тэгвэл Оросын Ерөнхийлөгч Владимир Путин утсаар ярихдаа өөрийн сайд Сергей Лавровын өмнөөс уучлалт гуйлаа гэж Израилийн Ерөнхий сайд Нафтали Беннетийн хэвлэлийн албанаас мэдээлжээ.
Ерөнхий сайд Н.Беннетийн хэвлэлийн албаны хэвлэлийн албанаас гаргасан мэдэгдэлд "С.Лавровын хэлсэн үгний төлөө Ерөнхийлөгч В.Путин уучлалт гуйсныг Ерөнхий сайд хүлээн авч, Еврейн ард түмэн болон Холокостын тухай өөрийн байр суурийг тодорхой болгосонд талархал илэрхийллээ" гэжээ.
Харин В.Путин, Н.Беннет нарын уулзалтын тухай Кремлийн хэвлэлийн мэдээнд уучлалт гуйсан талаар огт дурдаагүй ажээ
