XVII жарны "Үзэсгэлэн болгогч" хэмээх усан туулай жилийн сар шинийн баярт зориулсан улс, аймгийн алдар цолтой 256 бөхийн барилдаан Монгол бөхийн өргөөнд эхэллээ.
Тус барилдааны зүүн, баруун талыг Монгол Улсын даян аварга Намсрайжавын Батсуурь, зүүн талын тэргүүн магнайг улсын аварга Пүрэвийн Бүрэнтөгс нар магнайлан хүч үзэж байна.
Энэхүү барилдаанд улсын аварга Чимэдрэгзэнгийн Санжаадамба, Сүхбаатарын Мөнхбат, Оргихын Хангай, улсын арслан Цэдэвийн Содномдорж, Энхтөгсийн Оюунболд, Баярсайханы Орхонбаяр нар дагавар магнайд гарч барилдаж байна.
