Засгийн газрын Төрийн хяналт хэрэгжүүлэх газрыг байгуулсан бөгөөд энэ оны нэгдүгээр сарын 1-ээс үйл ажиллагаагаа явуулж эхэлжээ.
Тиймээс тус газрын нийт 45 ажлын байран дээр нээлттэй сонгон шалгаруулалт зарласан байна. Тус газрын ажилчдыг гурван аргаар бүрдүүлэх аж. Нэгд, одоо төрийн байгууллагад ажиллаж байгаа албан тушаалтнуудаас сэлгэх, хоёрт, одоо төрийн байгууллагад ажиллаж байгаа албан тушаалтнуудаас шилжүүлэх, гуравт, шаардлага хангаж байгаа хүмүүсийг сонгон шалгаруулж авах юм байна. Ингээд 45 ажлыг байран дээр ажилтан шалгаруулж авахаар Төрийн албаны зөвлөлд саналаа хүргүүлжээ. Тэгвэл энэ сарын 13-нд нийтэд нээлттэйгээр сонгон шалгаруулалтыг зарлажээ. Бүртгэл гуравдугаар сарын 2-3-ны 17.00 хүртэл үргэлжлэх юм байна. Бүртгэл дууссаны дараа гуравдугаар сарын 14-нд шалгалт эхлэх аж.
Засгийн газрын хяналт хэрэгжүүлэх газрын дарга Б.Баасандорж: Манай байгууллага Засгийн газрын 16 яам, 39 агентлаг, бүх шатны Засаг дарга, улсын төсөвт үйлдвэрийн газар, төрийн өмчит компаниуд дээр иргэдээс ирсэн гомдол, шүгэл үлээж байгаа байдалд тандалт судалгаа, хяналт тавих юм. Манай байгууллагад даргын албан тушаал байхгүй, багаар ажиллах зарчимд суурилсан бүтэцтэй. Дотроо үнэлээ мониторинг, хяналт шалгалт, хуулийн баг, менежмент, дотоодын хяналтын баг гэсэн зургаан багаас бүрдэж байгаа. Цомхон бөгөөд чадварлаг багаар ажиллахаар зорьж байна.
