О.Мөнхжингийн гомдлыг хэлэлцэх шүүх хурал Сүхбаатар дүүргийн Эрүүгийн хэргийн анхан шатны шүүхэд өнөөдөр 13:30 цагт товлогдоод байв. Тэгвэл түүнд холбогдох шүүх хурлыг хойшлуулж, хугацааг нь жич товлохоор болжээ. Иргэнээс гаргасан гомдлын хурлыг тухайн шүүхийн Ерөнхий шүүгч нь шийддэг байна.
Гэтэл Ерөнхий шүүгч өнөөдөр Хөгжлийн Банканд холбогдох хэргийн шүүхийн урьдчилсан хэлэлцүүлэгт оролцож байгааг албаны эх сурвалж хэлэв. О.Мөнхжингийн гомдлыг хэлэлцэх шүүх хурал Сүхбаатар дүүргийн эрүүгийн хэргийн анхан шатны шүүхэд өнөөдөр 13:30 цагт товлогджээ.
Түүнийг нэг сарын хугацаатай цагдан хорьсон бөгөөд энэхүү арга хэмжээг авсанд гомдол гаргажээ. Тэрбээр Хэрэг шалгагдаж байх хугацаанд намайг хөндлөнгөөс нөлөөлж, оргон зайлж магадгүй гэдэг үндэслэлээр 30 хоног цагдан хорьж байна.
Миний хэрэг дээр Нийслэлийн прокурорын газрын н.Ууганбаяр, н.Онолт прокурор байгаа. Намайг цагдан хорих саналыг шүүх хүлээж аваагүй гэсэн чинь н.Ууганбаяр прокурор "Би дахиад ороод ирнэ ээ" гээд цагдан хорих гээд чичрээд байсан.
Манай өмгөөлөгчид "Хуулийн этгээдийг санаатайгаар дампууруулах үйл ажиллагаа боллоо" гэж харж байна.
"IHC" токены ханш нь унаж байхад хамгаалахын тулд өөрийнхөө мөнгөөр худалдаж авсан. Зохиомол хэрэг рүү чихэх нөхцөл байдал руу хүнийг түлхэж байна) хэмээн мэдэгдсэн билээ.
Шүүхийн шийдвэрийн талаар мэдээлэх болно.
