Монголын бурхан шашинтны төв гандантэгчэнлин хийдийн тэргүүн их хамба лам Д.Чойжамц сар шинийн баярыг угтаж, сүсэгтэн олонд хандан мэдээлэл хийлээ.
Тэргүүн Их хамба Д.Чойжамц "Усан туулай жилд төрсөн хүүхэд үзэсгэлэн төгөлдөр, ухаан төгс, буян хийгээд сайн үйлсэд хичээгч нэгэн байна. Цаг агаар сайхан, бороо хуртай сайхан жил байна. Дээдэст сайн, дунд улсуудад дунд зэрэг, нялхаст жаахан хатуу жил байна. Залуу гэр бүлд төрөлт арвижина. Хүйтний /бадган/ өвчнөөс болгоомжилно. Жилийн төлөв сайн байх нь" хэмээлээ.
