Америкийн Вашингтон Пост сонинд Оросын цэргүүд Украинд түрэмгийлсний дараа эхэлсэн оросууд гадаад руу бөөнөөр дүрвэж байгаа тухай бичжээ.
"ОХУ-ын Ерөнхийлөгч Владимир Путины эхлүүлсэн дайн нь оросуудын түүхэн дүрвэлтийн эхлэлийг тавьсан" гэж сонинд бичжээ. Урьдчилсан мэдээллээр дайн эхэлснээс хойшхи нэг жилийн хугацаанд дор хаяж ОХУ-ын 500,000, магадгүй 1 сая гаруй хүн улс орноо орхин гарсан бөгөөд үүнийг 1917 оны большевик хувьсгал, мөн Зөвлөлт Холбоот Улс нуран унасны дараах цагаачлалын томоохон давалгаатай зүйрлэж болно.
Эх орны иргэд нь ингэж бөөнөөр дүрвэсний үр дагаврыг тус улс хэдэн үеэрээ мэдрэх болно гэж WP сонин нийтлэлдээ онцолжээ.. Түүгээр ч барахгүй цагаачлалын давалгаа дөнгөж эхний шатандаа байгаа бөгөөд цаашид нэмэгдэж, жинхэнэ цунами болж хувирах магадлалтай. Эцсийн эцэст, дайн ойрын хугацаанд дуусах дүр төрх харагдахгүй байна..
Кремлийн дайчилгаа зарлах гэсэн шинэ оролдлого бүр нь улс орныхоо идэвхтэй насны иргэдийг гадагшаа дайжихад улам бүр хүргэж, эдийн засгийн нөхцөл байдал улам дордож байна. Энэ байдал ойрын ирээдүйд улам лавшрах болно.
Тус улсыг орхин гарсан оросуудын бөөн урсгал нь дэлхий даяарх Оросын диаспоруудыг ихээхэн өргөжүүлж, шинээр бий болгосон гэж "WP" мэдэгдэв.
Оросуудын хамгийн их олноороо дүрвэн очиж байгаа орнуудын тоонд Армени, Казахстан, Финланд, Балтийн орнууд (Эстони, Латви, Литва), мөн Израиль, Арабын Нэгдсэн Эмират, Тайланд, Аргентин зэрэг улсыг нэрлэжээ.
Эх сурвалж: ВВС
