Боловсрол, шинжлэх ухааны сайд Л.Энх-Амгалан болон холбогдох албаныхан өнөөдөр боловсролын салбарын бодлого үйл ажиллагаа, хийж хэрэгжүүлж байгаа ажлынхаа талаар мэдээлэл хийлээ. Сайдын мэдээллээс онцлох мэдээллүүдийг багцлан хүргэе.
Хөгшгийн хөндийд 40 мянган оюутны хотхон байгуулна
Хөшгийн хөндийд 40 мянган оюутны хотхон байгуулах Техник эдийн засгийн үндэслэлийг Азийн хөгжлийн банкны санхүүжилтээр хийлгэжээ. 40 мянган орчим оюутан сурах боломжтой сургалт, судалгаа, цогцолборыг барьж байгуулах юм байна.
Мөн Орхон, Дархан-Уул аймгуудад оюутны хотхон байгуулах ТЭЗҮ-ийг хийж байгааг Л.Энх-Амгалан сайд мэдээллээ. Эдгээр ажлыг хоёр үе шаттай хийх аж. Их дээд сургууль, мэргэжлийн сургалт, коллежуудыг оюутны хотхон хэлбэрээр дахин төлөвлөлт хийх аж. Ингэснээр хөдөө орон нутагт хоёр, Улаанбаатар хотод хоёр жил сурах боломжтой болно.
ЕБС-ийн сурах бичгийн алдааг засч, шинэчилнэ
Боловсролын яамнаас сурах бичиг нэр бүрд үнэлгээ хийжээ. Ингэхэд ЕБС-ийн сурах бичигт алдаа маш их байгаа гэсэн дүгнэлт гарчээ. Одоогоор хүүхдүүдийн гарт 3 төрлийн сурах бичиг байгаа аж. Тодруулбал, багш, хүүхэд, түрээсийн гэсэн гурван төрлийн сурах бичгийн ашиглаж байгаа аж.
Тэгвэл сурах бичгийн алдааг ирэх есдүгээр сарын 1-н гэхэд засч дуусна гэдгийг О.Энх-Амгалан сайд хэллээ. Ингэхдээ эхний ээлжид цахим хэлбэрээр засварыг хийнэ гэлээ. Учир нь одоо хэрэглэж байгаа сурах бичгийг бүрэн шинэчлэхэд 30 тэрбум төгрөг шаардлагатай байгаа учраас цахим болгох аж.
Тэтгэлгээр гадаадад сураад гэрээний үүргээ биелүүлээгүй 400 хүнийг шалгуулна
Сургалтын төлбөрийн тэтгэлгийн сан байгуулагдаад 30 жил болсон бөгөөд энэ хугацаанд 1.3 сая хүүхдэд 1 их наяд төгрөгийн сургалтын төлбөрийн тэтгэлэг олгосон байна. Үүнээс гадаадад бакалавр, магистр, докторантурт нийт 3500 хүүхэд сурчээ. 2022 онд яамны Дотоод аудитын шалгалт хийсэн. Шалгалтаар:
• 1000 орчим нь сургуулиа төгсөөд эх орондоо ирж тав болон түүнээс дээш жил ажилласан буюу гэрээний үүргээ биелүүлсэн. Хэрэв гэрээний дагуу ирж ажиллаагүй бол энэ нь зээл гэж ойлгож болно.
• Урьдчилсан байдлаар гэрээний үүргээ биелүүлээгүй 400 орчим хүүхэд байгаа бөгөөд төрд 10 орчим тэрбум төгрөгийн хохирол учруулах эрсдэл үүсгэсэн гэж үзэж хууль хяналтын байгууллагад шилжүүлж байна.
• 200 гаруй нь оюутан сурч байна.
• 1800 суралцагчийн 80 хувь нь эх орондоо ирээд нийгмийн даатгалын шимтгэл төлөөд тодорхой ажил хөдөлмөр эрхэлж байна.
