Ням гарагт Исламын улс террорист бүлэглэлийнхэн Сирийн зүүн хэсэгт хулгайлагдсан 75 хүний 11-ийг нь хөнөөсөн байна. Энэ тухай “Сирийн хүний эрхийг сахин хамгаалах хяналтын төв” мэдээлэв.
Хохирогчдын дунд нэг эмэгтэй болон Сирийн засгийн газрын цэргийн албан хаагч байгаа аж.
Хэрэг явдлыг тодотговол, өнгөрсөн бямба гарагт Пальмира хотын ойролцоо трюфель /тарваган мөөгний нэг төрөл/ түүж байсан 75 хүнийг ISIS бүлэглэл хулгайлсан бөгөөд тэдгээрийн 11-ийг нь ийнхүү бүрэлгэсэн аж. Одоо үлдсэн 64 олзны хүний хувь заяа тодорхойгүй хэвээр байна гэж Их Британид төвтэй агентлаг мэдэгдэв.
Террористууд Турк, Сирид болсон аймшигт газар хөдлөлтөд дэлхий нийт анхаарал хандуулж буй энэ цаг үеийг далимдуулан ашигласан гэж Сирийн Хүний эрхийн ажиглагчид мэдэгдэв.
Исламын улс бүлэглэлүүд 2018 онд бут цохигдсоны дараа үлдэгдэл хэсэг нь Сирийн зүүн хэсэгт орших цөлд байрлаж, энгийн иргэд болон цэргийн албан хаагчдыг дайрч, барьцаалсаар байна.
Эх сурвалж: Синьхуа
