Ч.Ундрам гишүүний бас нэг хөгтэй хөгжилтэй асуудал олон нийтэд сөхөгдөж ил тод боллоо. Тодруулбал, УИХ-ын гишүүн Ч.Ундрам хуурамч аккаунт ашиглан намын хүмүүсээ харлуулж, өөрийгөө шарлуулдаг нь өнгөрсөн амралтын өдрөөр илчлэгдлээ.
Түүний эл асуудлыг тоглоом шоглоом болгож олон нийт одоо ч нийгмийн сүлжээгээр сэвсээр байна . Экс нөхөр нь ч гэсэн эл асуудал дээр дуугүй өнгөрсөнгүй. Тэрбээр энэ хуурамч аккаунтуудыг мэдэх юм байна гэж нийгмийн сүлжэээгээр нийтлээд амжээ.
Гэвч Ч.Ундрам гишүүний зүгээс өөрийн туслах ажилчинд хамаг буруугаа өгөөд байгаа юм. Харин өөрөө тус өдөр орон нутгаар ажлын томилолттой байсан тул нийгмийн сүлжээ ашиглаагүй гэх мэдээлэл өглөө.
Гэр бүлийн хүчирхийлэл, харилцаа этик гээд сайн чанар давамгайлаагүй түүнийг олон нийт эсэргүүцэж албан тушаалаас нь огцруулахыг шаарддаг болсон. Муу нэр хусавч арилахгүй, сайн нэрийг хүсэв ч олохгүй гэгчээр түүний өөрийнхөө төлөө хийсэн алхам бүхэн өөр лүү нь чиглэх “хурц хутга” болж байгааг энэ цаг дор харуулж байх шиг.