Өнгөрсөн долоо хоногт Герман улс Украинд эрчим хүчний сүлжээг сэргээхэд нь зориулж 59 тонн тоног төхөөрөмж илгээсэн гэж Украины Эрчим хүчний яам өнгөрсөн бямба гарагт мэдэгдэв.
Тус яамны мэдээлснээр, өнгөрсөн оны долдугаар сараас хойш германчууд Украин руу нийт 334 тонн жинтэй 43 багц цахилгаан тоног төхөөрөмж, тэдгээрийн дотор 40 трансформатор, генератор, цахилгаан шугамын холбох хэрэгсэл, түгээх болон гэрэлтүүлгийн тоног төхөөрөмж, багаж хэрэгсэл илгээсэн байна.
Тодотгоход, Оросын пуужингийн довтолгооны улмаас Украины эрчим хүчний системийн 50 гаруй хувь нь эвдэрч сүйрээд байгаа юм.
Эх сурвалж: ВВС
