2022 онд “Говь” компани борлуулалт, маркетингийн зардалд нийт 61.7 тэрбум төгрөг зарцуулжээ
“Говь” ХК 2022 онд 193.4 тэрбум төгрөгийн борлуулалтын орлоготой ажилласнаа тайлагналаа. Энэ нь өмнөх онтой харьцуулбал ойролцоогоор 34.7 хувиар өссөн үзүүлэлт болж байна.
2022 онд цар тахлын нөлөө буурч, хил нээгдсэнээр Монголд ирэх жуулчдын тоо нэмэгдсэн юм. Мөн дотоодод худалдаалагдаж буй бэлэн бүтээгдэхүүний үнээ 15 хувиар нэмсэнтэй холбоотойгоор дотоод борлуулалтын орлого нь өссөнийг III улирлын тайландаа мэдээлж байв.
Харин олон улсын зах зээлд Европ болон БНХАУ дахь борлуулалт нь өсөлт сайтай байсан бол АНУ-д харьцангуй буурчээ. Тус компани гадаад борлуулалтаа нэмэгдүүлэх, мөн бүтээгдэхүүнээ дэлхийн зах зээлд таниулах зорилгын хүрээнд маркетингийн чиглэлд анхаарч ажилласнаа мэдэгдэж байсан юм.
“Говь” ХК 2022 онд найман тэрбум төгрөгийн алдагдалтай ажилласан байна. 2021 онд 37.9 тэрбум төгрөгийн алдагдалтай ажилласантай харьцуулбал алдагдлын хэмжээ ойролцоогоор тав дахин буурчээ.
2022 онд “Говь” компани борлуулалт, маркетингийн зардалд нийт 61.7 тэрбум төгрөг зарцуулсан байна.